Makan Perai

  Rating: 0 ( 0 Votes)
Dikirimkan pada 05 Dec, 2015 | Dibaca: 515 | Nomor Artikel: #0618
Sarankan Laporkan Print Favorit

Lesuik jo botak sadang duduak di tampek biaso(Pos rundo)..panyangek baduo ko sadang maota masalah paruiknyo nan lapa..

Lesuik : Tak...lah makan ang..??
Botak : Alun..baa tu suik..?
Lesuik : Pai makan nasi goreng ka kadai da marwan wak lah...!!
Botak : Lah.lah.lah...nasi goreng da marwan tu tanamo kenikmatanyo mah..
Tapi den ndak bapitih do suik...ang traktir den nyo..??
Lesuik : Aden ndak lo bapitih do tak..
Tapi jan panik,,, aden ado ide bia awak dapek makan perai...!!

Botak : Ba'a caronyo tu suik..?
Lesuik : Tanaang (nyo cabuik lah rambuiknyo saalai dek si lesuik,,nyo kaluaan pulo saikua kapuyuak(kecoa) dari dalam saku sarawanyo)..

Botak : Muaahaahahahaha....yo cadiak ang yo suik...paham den jo jalan pikiran ang mah...!!
Bamodal jo saikua kpuyuak jo rambuik saali tu,,barangkek lah panyangek baduo tu ka kadai nasi goreng da marwan..!!

Satibonyo di kadai da marwan...

Da Marwan : Ha,,manga lo ang baduo kakadai den ko panyangek....!!???
Ndak pasai ang marusak jok ninja den patang ko...??
Lesuk : Ooo...tanang daa..!kami baduo ko bamukasuik ka makan nasi goreng uda mah...
Da Marwan : Oo..ngecek lah ang dari tadi...oke tunggu sabnta,,den buek an nasi goreng spesial untuak ang baduo...!!

Nasi goreng spesialpun tibo.. Mulai lah panyangek nduo tu makan..bantuak lauak puyu basobok cirik,,bantuak tu lah panyangek baduo tu makan...wkwwwk,,dek sangking jarangnyo makan nasi goreng...
Lah ampiang abih nasi tu lai,,mulai lah panyangek baduo ko manjalanan rencana busuak baulek-uleknyo..wkwkwk..
Nyo masuakan lah rambuik si lesuik tu ka piriang nasi gorengnyo dek si botak..

Botak : Da marwan...!!
Da marwan : Yo..apo tu tak..?(sambia bajalan ka arah botak jo lesuik)
Botak : Bato da..awak mintak nasi goreng,,baa kok ado lo rambuik di nasi goreng wak ko,,sedangkan kapalo wak se botak ko a.(maadokan kapalo botaknyo..trrriiinngg...!!)

Da marwan :Ee,,panyangek..kapalo ang iyo botak...tapi caliak tu a...bulu iduang ang panjang-panjang,,labek lo lai,,co batang baringin pancasila..
Jan banyak kecek ang..!! Nasi goreng den tanamo barasiahnyo ko mah...!!

Botak langsuang tatunduak malanjuikan makannyo..!!

Lesuik : kehkehkeh...!mati lah ang tak...
Botak : Kumbang cirik ang mah..ko kan ide ang..!!
Lesuik : Tu salah ang surang,,manga bulu iduang ang paliaro..caliak rencana den dek ang,,pasti berhasil mah...

Mulai lah lesuik mangaluaan kapuyuak dari sakunyo,,langsuang nyo latakan di piriang nasi goreng nyo nan ampiang abih tu...

Lesuik : Da Marwan....!!!
Da Marwan : Apo dek ang lai..? ado lo rambuik di piriang ang..??
Lesuik : bukanyo rambuik lai da,,tapi kapuyuak,,caliak lah ko a.(manunjuak ka piriangnyo)..
Da marwan : Dak mungkin do suik...!! Kadai den ko tanamo dek kebersihanyo..kecekan se lah ko aka ang ka makan perai..

Lesuik : Ee..bato da..talompek muncuang mah da..bia lesuik bantuak iko..pitih den balipek ko mah..kok paralu kadai uda ko den bali..!!
Da Marwan : Eeehhh..mancari gara gara ang mah..kok yo kayo ang baia lah nasi goreng den tu...??
Lesuik : Apo lo ka den baiya ko,,nasi goreng bakapuyuak lo..!!!
Da Marwan : Kareh lo muncuang ang mah tungau..la kareh ang..??

Ditangah patangkaran lesuik jo da marwan,,tadanga lah suaro..

~~~ : Iyo mah da...panyangek tu nan malatakan aden ka dalam piriang nasi goreng uda mah''...!!

Da Marwan : nampak dek ang..kapuyuak tu se lah mangaku maso waang nan malatakan nyo ka dalam piriang nasi----

''APOOO...!!!! KAPUYUAK BISA MANGECEK...!!!''(langsuang pingsan kajang-kajang)

Lesuik/Botak : KyaaAAAA....-.(pingsan bapaluakan)...
Kapuyuak : Handeeeh..baru mancliak kapuyuak mangecek se lah pingsan...!!
heeellloo...nee tahun 2015 KALEee....

Berhubung panyangek baduo tu pingsan..ambo kapuyuak mewakili Da Marwan..maucapkan ,Jan dipakai juo caro lamo tu kalau ingin makan perai di rumah makan Padang, kecek kan sajolah kalau ndak ado pitih, sapilik pilik nyo urang awak tantu ndak ka dibiakan nyo dunsanak awak mati kalaparan, yo kan baitu sanak ??

Artikel Terkait