Gara-Gara Indak Tahu Bahasa Arab

  Rating: 0 ( 0 Votes)
Dikirimkan pada 12 May, 2014 | Dibaca: 799 | Nomor Artikel: #0327
Sarankan Laporkan Print Favorit

SAKALI-sakali awak paralu juo jadi kuciang jantan, kecek Mak Haji Itam nan sadang mangalaikan kapalonyo di sandaran palanta. Garimih mulai antaro ujan jo tiado. Cewang di langik indak basuo jo gabak. Pikirannyo manguliliangi dunia pulo. Jaman galobal alah dulu masuak tangkurak Mak haji itam.

Baa ka indak jadi panuruik, kudian jadi pak turuik. Urang nan paliang patuah Ogah Mak Manindiang Alam. Inyo biaso jadi mandua tambang ameh Manggani di jaman Bulando. Sunguiknyo marantiang tajaleo, bidang baunyo leba, tangan-tangannyo kukuah. 
Baraja ka alam nan takambang, baa bana aratinyo dek Mak Haji Itam tu, Mak Manindiang Alam malengong. Mak Haji Itam alah sapuluah taun nan lalu pai ka Makah. Sangkek tu agak murah, kok diaragoi jo ameh, iyo 100 ameh, alah sampai awak ka Makah.

Sabalun pai ka Makah, den bali Kuraan nan punyo bahaso Indonesia, di sampiang aratinyo ado pulo jo bahaso Arab. Kutiko aden sampai di Madinah, awak bao Kuraan tu masuak musajik Nabawi. Di pintu dirosoknyo taih kain den.Taih tu dipacik dek Asykar. Inyo kaluakan Kuraan itu, tacangang-cangang Asykar tu, Kuraan apo pulo ko?.
Mak Haji itam tanyonyo?, karano inyo indak tau bahaso Arab, inyo sarupo urang indak tau sajo. Mancirucuah masuak musajik. Inyo dapek tampek di bawah atok musajik Nabawi nan bisa bajalan tu. Angin padang pasia mulai marambah, kalimpanan mato awak, tasumbek iduang awak, awak pakai masker tu, sarupo kabau bakungkuang awak.

Aie Zamzam tu lai den minum, Mak Manindiang Alam maangguak-angguak tapana. Tawa jo sajuak bana aie zamzam tu. Awak lai baniek tapi alun sampai juo lai, karano arago pitiah awak jo dolar indak manantu.
Pasang niek, lambek lamo ka sampai juo, sogah Mak Haji Itam. Sakali inyo batamu jo catatan, bahaso surek Tuanku Nan Renceh pernah dibali 500 gulden dek apak dari Onggang Parlindungan, kutiko sikola rajo di Bukiktinggi .

Kecek urang, Tuanku Nan Renceh indak tamaik mambaco Al-Quran doh, anyo sampai surek ama sajo, Mak Manindiang Alam mancirocoh, tapi baa, inyo kareh manjalankan syariat. Indak basah batu tapakan ka rumah, basuo jo urang makan siriah, tabik suganyo.
Beda jo zaman awak ko, kok kaji talalu tinggi bana, tapi banyak taicia, Mak Haji Itam mambirunguik. Palanta alah mulai langang, tingga inyo jo Mak Manindiang Alam nan barabuik maota kareh.

Lai dapek mancium Ajrul Aswat kutiko tawaf?, Mak manindiang Alam batanyo. Garimih bacampua paneh, sarupo paneh tangah ari. Matoari basambunyi di baliak awan.
Pacah kaco mato den badarai jatuah, arum bana Ajrul Azwat tu!, ayo bana arun, kanang Mak Haji Itam. Mak Haji Itam dapek mancium Ajrul aswad katiko tawaf sunat sasudah mugarib ka sumbayang Isya.

Pabilo Manindiang ka dapek panggilan Nabi Ibrahim ko?, Mak Haji Itam maliek ka Mak Manindiang Alam. Inyo taringek buku Dapek panggilan Nabi Ibrahim nan dikarang dek Haji Rosihan Anwar.
Haji waang tu? tukeh Mak Haji Itam basiloroh. Inyo balalu dan Mak Manindiang Alam juo basugiro ka pai ka pakan Sinayan. Pakan nan rami hari Senin

Sumber : http://parewasatosakaki.blogspot.com

Artikel Terkait